Astanada 2017 jyldyń 7 aıy boıynsha ótken jyldyń osy kezeńimen salystyrǵanda ónerkásip óndirisi 4,2%-ǵa ósti. Bul jetistik negizinen kólik qurylysy jáne metalýrgıa, ındýstrıalandyrý kartasy jobalary esebinen múmkin bolyp otyr. Bul týraly Qamshy.kz aqparat agenttigi Astana qalasy ákimdiginiń málimetine súıenip habarlaıdy.

– Ónerkásip óniminiń kólemi 2017 jyldyń qańtar-shilde aralyǵynda Astanada 289,9 mlrd. teńgeni qurady jáne ótken jyldyń osy kezeńimen salystyrǵanda 83,6 mlrd. teńgege ósken. Ónerkásip óndirisiniń 2017 jylǵa josparlanǵan kólemi 486 mlrd. teńge, – dep habarlady qalalyq kásipkerlik jáne ónerkásip basqarmasynyń ónerkásipti damytý bóliminiń jetekshisi Azamat Rashıtov.

Fızıkalyq ındeks kólemi 2016 jyldyń osy kezeńimen salystyrǵanda 104,2% deńgeıinde belgilengen.

Astanada osy ýaqytqa deıin óńdeý ónerkásibinde 241,5 mlrd. teńge somasynda ónim óndirildi, bul 2016 jyldyń osy ýaqytymen salystyrǵanda 77,5 mlrd. teńgege ósti. Indýstrıalandyrý kartasy óndirisiniń ónim kólemi óńdeý ónerkásibiniń jalpy kóleminiń 46%-yn  quraıdy.

Elordada óńdeý ónerkásibiniń negizgi salalary kólik qurylysy, qurylys materıaldary óndirisi, metalýrgıa, (altyn men kúmis óndirisi) jáne tamaq ónerkásibi.