Qazaqstan Respýblıkasy Ulttyq bankiniń tóraǵasy Danıar Aqyshev baspasóz maslıhatynda tamyzdyń basynda teńgeniń álsireýine qatysty pikir bildirdi dep habarlaıdy Qamshy.kz aqparat agenttigi sputniknews.kz-ke silteme jasaı otyryp. 

«Tamyzdyń basynda teńge devalvasıasy bolýy múmkin degen áleýmettik jeliler men BAQ-taǵy qaýesetter men jaǵymsyz jarıalymdar áserinen teńge baǵamy joǵary aýytqýlyqty kórsetti. İs júzinde baǵamnyń aýytqýyn dáleldeıtin irgeli ózgeris bolǵan joq», – dedi Danıar Aqyshev. 

Onyń sózine qaraǵanda, qazirgi ýaqytta valútalyq naryqta jaǵdaı turaqtalǵan. Osylaısha, 22 tamyzǵa aıyrbas baǵamy bir AQSH dollary úshin 333,8 teńge mólsherinde qalyptasty. 

Búgin Qazaqstan qor bırjasynda tańǵy saýda bir dollar úshin 333 teńge mólsherinde jabyldy.