Kezdesýde Nursultan Nazarbaevqa «Sıfrlyq Qazaqstan» memlekettik baǵdarlamasyn ázirleý barysy týraly baıandaldy dep habarlaıdy Qamshy.kz aqparat agenttigi Aqordaǵa silteme jasaı otyryp.

Qazaqstan Prezıdenti jahandyq básekelestiktiń artýy jaǵdaıynda ekonomıkany aýqymdy túrde sıfrlandyrýdyń ózektiligin atap ótti.

"Búginde bul másele aldyńǵy orynǵa shyqty. Búkil álem osy baǵytqa qaraı jyljýda. Biz de qalmaýǵa tıispiz. Bul – asa kúrdeli mindet. Barlyq vedomstvolar, mınıstrlikter jáne óńirler úılesimdi jumys júrgizýi kerek", – dedi Elbasy.

Aqparat jáne komýnıkasıalar mınıstri Memleket basshysyna jańa baǵdarlamada kózdelgen tórt basym baǵyt jóninde aıtty.

"Biz qazir baǵdarlama jobasyn barlyq múddeli tarappen birge talqyladyq. «Sıfrlyq Qazaqstan» baǵdarlamasy arqyly negizgi 4 jumys baǵyty qarastyrylady. Olar: ınfraqurylymdy damytý, adam kapıtalyn jaqsartý, ekonomıka salalaryn sıfrlandyrý jáne memlekettik qyzmet kórsetý júıesin jetildirý", – dedi D.Abaev.

Sońynda Nursultan Nazarbaev birqatar naqty tapsyrma berdi.