Ispanıada Barselonadaǵy teraktini uıymdastyrýǵa qatysqan 4 lańkes sotta jaýap berip, Muhammed Shemlál men Drıss Oýkabırge resmı túrde aıyp taǵyldy dep habarlaıdy Qamshy.kz aqparat agenttigi sheteldik BAQ-qa silteme jasap.
Al Sahal ál-Karıbtiń qamaýdaǵy ýaqyty taǵy 72 saǵatqa sozylyp, kólik ıesi Muhammed Aalá kepildikpen bosatyldy. Sottalýshylar bolsa, mundaı áreketke jergilikti meshit ımamynyń azǵyrýymen barǵanyn jáne shahar alańyndaǵy lańkestikten de iri terakt uıymdastyrýdy josparlaǵanyn aıtqan.
Aıta keteıik, ótken beısenbi kúni Barselonanyń ortalyǵyndaǵy alańda kólik júrginshilerdi qaǵyp, 15 adam qaza tapqan edi. 130-y jaralandy. Al kúdikti iz sýytqan. Birneshe saǵattan soń Kambrıls qalasynda da lańkester terakt uıymdastyrmaq bolady. Alaıda polısıa kóliktiń jolyn bógep, atys kezinde 5 lańkestiń kózin joıdy. Qos teraktiden keıin tergeý barysynda shabýyldardy 12 adamnan quralǵan top uıymdastyrǵany anyqtaldy.
