Kolýmbıanyń batysyndaǵy Choko aımaǵynda apta boıy tolassyz jaýǵan jaýynnan Loro qalashyǵyn sý basty dep habarlaıdy Qamshy.kz aqparat agenttigi vesti.ru-ǵa silteme berip.
Tasqynnan 1 myńnan asa úı búlinip, 800 otbasy qaýipsiz jerge kóshirildi. Tabıǵat apatynan qaza tapqandar týraly aqpar joq. Qutqarý jumystaryna áskerıler jumyldyrylǵan. Jergilikti bıliktiń málimdeýinshe, 5 birdeı ózen arnasynan asyp, eldi-mekenderge qaýip tóndire bastaǵan.
Aýa raıyn boljaýshylar kelesi apta da jaýyndy bolady dep eskertti. Al AQSH-tyń ortalyq aımaǵynda jaýǵan jańbyrdan keıin Kanzas-sıtı qalasynyń ońtústik bóliginde tasqyn júrip, úılerdi sý basty. Ázirge tabıǵat apatynan japa shekkender týraly málimet joq.
