Batys Qazaqstan oblysyndaǵy Oral qalasynda eki jolaýshy avtobýstary men eki jeńil kóliginiń qaqtyǵysýy saldarynan 45-ke jýyq adam zardap shekken. Bul týraly Densaýlyq saqtaý departamenti basshysynyń tóraǵasy Gúlnár Ábdirahmanova habarlady, dep jazady Qamshy.kz aqparat agenttigi.

Jol-kólik oqıǵasy beısenbi kúni jergilikti ýaqytpen 08:40-ta bolǵan. Alǵashynda 20 adamnyń zardap shekkeni habarlanǵan, olardyń tórteýi kishkentaı balalar, al bireýi júkti áıel.

«Zardap shekkenderdiń sany 45-ke jetti, 15 adam oblystyq aýrýhanada tekserýden ótip jatyr, al 30-y qalalyq kópfýnksıonaldy aýrýhanaǵa jetkizildi», – dedi Gúlnár Ábdirahmanova.

Ábdirahmanovanyń aıtýynsha, júkti áıel keýde jaraqatymen aýrýhanada jatyr. 17 jastaǵy jasóspirimniń bas mıy jaraqattanǵan, 16 jastaǵy jasóspirimniń búıregine zaqym keldi. 10 jastaǵy bala men birge tolǵan sábıdiń densaýlyqtary tekserilý ústinde.

Oblystyq İshki ister departamenti polıseı qyzmetiniń basshysy Manarbek Nájıevtiń málimetinshe, №7 avtobýstyń júrgizýshisi Reunalt Duster jeńil avtokóligimen soǵtyǵysqan. Sonyń saldarynan dıstansıany saqtaı almaǵan avtobýs aldynda ketip bara jatqan avtobýsqa soǵylady. Ol avtobýs ózge jeńil kólikti soqty. Qazirgi ýaqytta jol-kólik oqıǵasyna baılanysty tergeý jumystary júrip jatyr.