Búgin Ortalyq komýnıkasıalar qyzmetiniń alańynda Aýyl sharýashylyǵy mınıstrliginiń Birinshi vıse-mınıstri Q.Aıtýǵanovtyń qatysýymen AÓK-ti tehnıkamen qamtamasyz etý taqyrybynda brıfıń ótti dep habarlaıdy Qamshy.kz aqparat agenttigi ASHM baspasóz qyzmetine silteme jasap.
Brıfıńke qarjy ınstıtýttary men mashına jasaý zaýyttarynyń ókilderi qatysty.
Aýyl sharýashylyǵy birinshi vıse-mınıstri Q.Aıtýǵanov sharýalarǵa otandyq aspaly jáne tirkemeli aýyl sharýashylyǵy tehnıkasyn alýdaǵy jeńildikterdi atap ótti.
Búginde respýblıka boıynsha aýyl sharýashylyǵy tehnıkasy negizgi túriniń 284 myń danasy bar. Onyń 70%-nyń eksplýatasıalaý merzimi 15 jyldan asady. Aýyl sharýashylyǵy tehnıkasyn damytý jáne jańalaý úshin Mınıstrlik tarapynan birqatar is-sharalar jospary ázirlendi.
Kórsetiletin memlekettik qoldaýdyń bir túri – otandyq tehnıkalar men jabdyqtarǵa jeńildetilgen nesıe berý.
«Agrarlyq nesıe korporasıasy» AQ basqarmasynyń tóraǵasy N.Sarybaev jeńildetilgen nesıe baǵdarlamasynyń sharttary men tetikteri týraly habardar etti.
«KazAgro» UBH AQ-nyń qarajaty esebinen jyldyq mólsherlemesi 5,5%-dan aspaıtyn 10 jylǵa deıingi merzimge sharýalarǵa jeńildetilgen nesıe berý qarastyrylǵan.
Otandyq kásiporyndardan shyqqan aspaly jáne tirkemeli jabdyqtarǵa jeńildetilgen nesıe beriledi. Osyndaı otandyq aýyl sharýashylyǵy tehnıkasyn shyǵaratyn kásiporyndardyń biri – Aqmola oblysyndaǵy «Qazaqstan Agro Inovasıalyq korporasıasy» JSHS bolyp tabylady.
«Qazaqstandyq agro ınovasıa korporasıasy» JSHS bas dırektory O.Balybın aýyl sharýashylyǵy tehnıkasyn shyǵarý jáne iske asyrý boıynsha erekshelikterdi atap, «KAIK» JSHS Qazaqstannyń kez kelgen aýmaǵyna satýǵa múmkindigi bar ekendigin aıtty.
Atalǵan kásiporyn qazirgi tańda suranysqa ıe baǵasy qymbat emes aspaly jáne tirkemeli aýyl sharýashylyǵy tehnıkalaryn shyǵarýdy attyratyndyǵyn atap ótti.
Qazirgi tańda aýyl sharýashylyǵy tehnıkalaryn mehanızasıalaý Qazaq ǵylymı zertteý ınstıtýtymen topyraq óńdeý jáne egis aýyl sharýashylyǵy tehnıkasyn egistik alańdaryna beıimdep qurastyryp berý boıynsha kelisim jasaldy.
Atalǵan is-shara qolda bar qýatty arttyrýǵa múmkindik beredi. Sonymen qatar, ónimniń jańa túrlerin ashýǵa, shyǵarylatyn ónimniń túrlerin kóbeıtýge, sıpattamalary boıynsha sheteldik balamalarynan kem túspeıtin sapaly jáne arzan otandyq tehnıka ónimimen sharýalardyń qamtylýyna múmkindik beredi.
