Qazaqstan men Polshanyń saýda-sattyq qatynasy Orta Azıadaǵy ózge memlekettermen salystyrǵanda 80%-ǵa joǵary. Eki el arasynda 24 halyqaralyq kelissózge qol qoıylyp, 15 iri jobanyń kelisim-sharty qaralý ústinde. 2016 jyly QR Prezıdenti N.Á. Nazarbaev Polsha Respýblıkasyna barǵan resmı saparynda quny 845 mln. dollardy quraıtyn 12 joba qarastyrylǵan. Ekonomıka salasyndaǵy bul jobalar eki elde iske asyrylýda dep habarlaıdy Qamshy.kz aqparat agenttigi.
Resmı sapar nátıjesinde Polsha Respýblıkasy Qazaqstanǵa 207 mln. dollar ınvestısıa saldy. Ekonomıkalyq deklorasıaǵa qol qoıylyp, aýylsharýashylyǵy salasy boıynsha úkimetaralyq kelisim jasaldy. Polsha-Qazaqstan bıznes forýmy uıymdastyrylyp, oǵan qazaqstandyq 400-den astam kompanıa qatysty. Bul týraly Ortalyq komýnıkasıalar qyzmetiniń «Qazaqstan-Polsha ekonomıkalyq yntymaqtastyǵyna» arnalǵan baspasóz konferensıasynda aıtyldy. Polshanyń Qazaqstandaǵy Elshiliginiń ókili T.Zapalskııdiń qatysýymen ótken baspasóz-jıynda EKSPO-2017 kórmesine Polshanyń Prezıdenti Andjeı Dýdanyń sapary josparlanǵany belgili boldy. 6-7 qyrkúıekte Polshanyń Ulttyq kúni jáne Qazaqstan-Polsha bıznes-forýmy josparlanǵan.
– Bul Qazaqstan-Polsha kásipkerleriniń ekinshi forýmy. Forýmdy uıymdastyrý jańa ekonomıkalyq yntymaqtastyqtyń baǵyttaryn talqylaýǵa, sonyń ishinde «Bir beldeý, bir jol» Jibek joly jobalaryn damytý jaǵdaıy, sondaı-aq, iskerlik baılanystardy odan ári keńeıtý, ekonomıkalyq ózara árekettestiktiń deńgeıin ulǵaıtý jáne Qazaqstan Respýblıkasyna polák ınvestısıalaryn ulǵaıtýǵa tamasha múmkindik beredi dedi, – T.Zapalskıı.
Ótken jyly Varshavada ótken forýmǵa 140-tan astam kompanıa qatysqan. Sonymen qatar baspasóz-konferensıaǵa qatysqan EKSPO-2017 kórmesi Polsha bóliminiń bas komısary A.Stefanskıı, taraptar arasynda EKSPO kórmesin ótkizý boıynsha bolashaqta keńester uıymdastyratynyn atap ótti.
