Josparlanǵandaı, kelesi jyly elordada 150 kóp páterli eski úı qıratyldy, soǵan oraı 600 sharshy metrlik 8500 páter paıdalanýǵa beriledi.

Apatty úılerdiń ıelerine burynǵy eski páterdiń ornyna qıratylyp tastalǵan úıdiń aýmaǵyna sáıkestendirilgen baspana beriletin bolady.

«Bul 1940-1980 jyldar aralyǵynda salynǵan negizgi qurylys qurylǵylary jáne ınjenerlik júıeler ábden tozǵan úıler. Ol úıler adam ómirine qaýip tóndiredi dep tanylyp, ári qaraı onda turýǵa ruqsat etilmedi. Sol sebepten de qıratyp tastaýǵa jatady. Pılottyq jobanyń sharttary boıynsha úılerdiń ıelerine qıratylyp tastalǵan úıdiń aýmaǵyna sáıkestendirilgen baspana beriletin bolady», – dedi qalalyq turǵyn-úı basqarmasynyń basshysy Asqat Eleýjanov. 

Jyl sońyna deıin elordada «Apatty úılerdi qıratyp tastaý» pılottyq jobasynyń birinshi kezeńin iske asyrý boıynsha 228 úıdi qıratyp tastaý josparlanýda. Qıratyp tastaýǵa jatatyn úılerdiń kóbisi qalanyń oń jaǵalaýynda ornalasqan: «Saryarqa» aýdanynda – 124 úı, «Almaty» aýdanynda – 82  jáne «Esil» aýdanynda – 22 úı bar.

3500-den astam otbasy jańa páterlerge qonys aýdarady. 

Onymen birge búginde 1570 otbasy kóleminde 117 apatty úıdiń turǵyndary kóshirildi. 

Qalǵan apatty 111 úıdiń turǵyndary 2017 jyldyń ishinde kóshiriletin bolady: jyl sońyna deıin olarǵa 1850 páter beriledi.