2017 jylǵy 25 tamyzda Qazaqstan Respýblıkasy men Belgıa Koróldigi dıplomatıalyq qarym-qatynastardyń ornaýynyń 25 jyldyǵyn atap ótedi dep habarlaıdy Qamshy.kz aqparat agenttigi Syrtqy ister mınıstrligine silteme jasaı otyryp.
Shırek ǵasyr ishinde eki el arasyndaǵy dostyq pen yntymaqtastyq boıynsha ózara is-qımyldy damytýdyń jáne nyǵaıtýdyń berik irgetasy qalandy: ekijaqty baılanystar damýda, elderdiń syrtqy saıası jáne beıindi vedomstvolary arasyndaǵy yntymaqtastyq nyǵaıýda, sharttyq-quqyqtyq baza keńeıýde.
Osy jyldary joǵary deńgeıdegi turaqty kezdesýler negizin salǵan ekijaqty qarym-qatynastar jańa sapaly deńgeıge ótti. Táýelsizdik jyldarynda Qazaqstan Prezıdenti N.Á.Nazarbaev Belgıaǵa 8 ret saparmen bardy. 2010 jylǵy qazanda iri iskerlik mısıanyń basshysy retinde murager prıns Belgıa Koroli Fılıpptiń Qazaqstanǵa jasaǵan resmı sapary saýda-ekonomıkalyq yntymaqtastyqtyń ártaraptanýyna jáne keńeıýine qosymsha serpin berdi.
Astana jáne Brússel terorızmmen kúres, ıadrolyq qarýsyzdaný jáne taratpaý sekildi negizgi máselelerde uqsas ustanymdarǵa ıe. «Ólimnen de kúshti» atty Semeıdegi memorıaldyq negizinde qazaqstandyq músinshilermen jasalǵan Iadrolyq synaqtardyń qurbandaryna arnalǵan monýmenttiń Belgıanyń Ipr qalasyna qoıylýy osyǵan dálel bola alady. Sondaı-aq taraptar ıadrolyq energetıkany beıbit paıdalaný salasynda yntymaqtastyqty damytýda.
Eki el arasyndaǵy saýda-ekonomıkalyq qatynastar oń serpinge ıe. 2010 jyldan bastap 200-den astam belgıalyq kompanıalardyń ókilderi Qazaqstanǵa bıznes mısıalarmen keldi. Qazaqstanda belgıalyq kapıtaldyń qatysýmen 60 astam kompanıa jumys isteýde. Sońǵy on jyldyń ishinde QR-ǵa salynǵan belgıalyq tikeleı ınvestısıalardyń kólemi 5,4 mlrd. AQSH doll. asty.
Qazaqstan Belgıamen jan-jaqty yntymaqtastyqty odan ári nyǵaıtýǵa jáne damytýǵa nıetti.
