Búgin elimizde  jaýyn-shashynsyz aýa raıy saqtalady dep habarlaıdy Qamshy.kz aqparat agenttigi Qazgıdrometke silteme jasaı otyryp. Tek eldiń batysynda azdaǵan mólsherde jaýyn-shashyn bolady. Soltústik jáne shyǵys aýmaqta túnde jáne tańerteń tuman túsedi. Keı jerlerde jel kúsheıedi, ońtústikte jáne ońtústik-batysta shańdy daýyl soǵady.

Ońtústik Qazaqstan, Jambyl, Qyzylorda oblystarynyń keı jerlerinde jeldiń jyldamdyǵy 15-20 m/s jetedi, shańdy daýyl soǵady.

Kúndiz Batys Qazaqstan oblysynyń  keı jerlerinde jeldiń jyldamdyǵy 15-20 m/s-ǵa jetip, jaýyn jaýýy múmkin. Qaraǵandy oblysynyń keı jerlerinde qatty jel soǵady.

Shyǵys Qazaqstan oblysynda kúndiz keı jerlerde jeldiń jyldamdyǵy 15-20 m/s bolady, túnde jáne tańerteń keı jerlerde tuman kútiledi.

Soltústik Qazaqstan oblysynda túnde jáne tańerteń tuman kútiledi. Atyraý, Almaty, Qyzylorda, Ońtústik Qazaqstan, Jambyl, Batys Qazaqstannyń keı jerlerinde, Aqtóbe, Qostanaı,  Qaraǵandy, Shyǵys Qazaqstan oblystarynda  óte joǵary órt qaýpi saqtalady. Kúndiz Atyraý, Mańǵystaý, Aqtóbe, Batys Qazaqstan, Qostanaı, Qaraǵandy oblystarynda qatty ystyq aýa raıy saqtalady.