Sheshenstan prezıdenti Ramzan Qadyrov áleýmettik operasıa aıasynda Iraktaǵy Tal-Afaradan 6 qazaqstandyq pen 6 reseılik azamatty evakýasıalaǵanyn málimdedi dep habarlaıdy Qamshy.kz aqparat agenttigi. Bul týraly Sheshenstan prezıdenti óziniń Instagram paraqshasyna jazdy.
«Iraktaǵy Kúrdistanda TMD elderiniń azamattaryn qutqarý boıynsha iri operasıa óz máresine jetti. Ony uıymdastyrý úshin Irakqa Sheshenstan basshysynyń Taıaý Shyǵys pen Soltústik Afrıkadaǵy ókili Zıad Sabsabıdi jiberdim. Tal-Afarda 6 qazaqstandyq pen 6 reseılik qutqarylyp, qaýipsiz jerge kóshirildi» dep jazdy Ramzan Qadyrov.
Ol Taıaý Shyǵystaǵy áleýmettik kómek týraly aqparatty shekteý ony jasyrý maqsatynda emes, balalar men operasıaǵa qatysýshylardyń qaýipsizdigi úshin ekenin de atap ótti. Sebebi operasıa álemdegi eń qaýipti aımaqta júrgizilip jatyr.
