Reseı delegasıasynyń EKSPO-2017 kórmesine kelýine baılanysty Astana qalasynyń ákimi Túmen oblysynyń gýbernatorymen kezdesti. Bul týraly Qamshy.kz aqparat agenttigi Astana qalasy ákimdiginiń baspasóz qyzmetine silteme jasap habarlaıdy. 

Áset Isekeshev pen Vladımır Iakýshev eki qala arasynda yntyqtastyq áleýetterin talqylady.

Zamanaýı Túmen – munaı servısiniń (ónimdi alý jáne tasymaldaý), mashına qurystyrýdyń dástúrli ortalyǵy. Túmen oblysy búginde elimizdiń shekaralas aımaǵy – Soltústik Qazaqstan oblysymen belsendi ózara árekettesedi.

Eki kúnge jalǵasatyn kezdesýdiń aıasynda oblys ákimshiligi EKSPO-2017 kórmesine barýdy josparlaýda, kórmege qatysýshy elder usynǵan tehnologıamen tanysýdy kózdep otyr. Atap aıtqanda qonaqtar Reseı, Fransıa, Germanıa, TMD elderi, Qazaqstan jáne Qytaı elderiniń pavılondaryna erekshe qyzyǵýshylyq tanytyp otyr.

Óńirde ınvestısıalyq saıasatty damytý oblys basshylyǵynyń áleýetti baǵyttarynyń biri bolyp tabylady. Osyǵan baılanysty shamamen 50 bıznesmen Astanaǵa Túmen oblysynan qazaqstandyq kásiporyndarmen baılanys ornatý úshin keldi. Túmen oblysynyń damýynyń basty qozǵaýshysy – bilim bolyp tabylady. Osyǵan oraı delegasıa Nazarbaev ýnıversıtetine barýdy josparlap otyr. 

Memleket basshysynyń tapsyrmasy boıynsha Astanada 2020 jylǵa deıin qalany damytý baǵdarlamasy jumys isteıdi, soǵan oraı shahar aqyly jáne qaýipsiz qala retinde qalyptasyp, óńir aıasynda ınvestorlar men ınovasıa úshin óńirlik halyqaralyq ortalyq bolmaq.

"Qalanyń negizgi bóligi bos aýmaqta salynǵan. Biz áýejaıdan túse salysymen bul shahardyń jańa ınfraqurylymǵa toly ekenin kórdik, sáýleti keremet. Endigide qalany tolyǵymen aralaýdy josparlap otyrmyz", -dedi reseılik gýbernator.