Almaty qalasynyń irgesindegi Uzynaǵash kentinde Qazaqstan Respýblıkasy Ulttyq ulanynyń 25 jyldyq merekesine oraılastyrylyp regbıden jarys ótti dep habarlaıdy Qamshy.kz aqparat agenttigi QR Ulttyq ulany «Ońtústik» óńirlik qolbasshylyǵy baspasóz qyzmetine silteme jasap.
Atalǵan dúbirli dodany uıymdastyrýǵa Qazaqstan Respýblıkasy Ulttyq ulany «Ońtústik» óńirlik qolbasshylyǵy uıytqy boldy. Jarysqa segiz komanda qatysty.
Regbı oıyny jaıly qysqa toqtala etsek, 2015 jyldan beri «Regbı» oıyny Olımpıada oıyndarynyń quramyna kirip, kúlli álemde úlken bedelge ıe bolyp tur. Jalpy alǵanda, regbı oıynyn myqtylardyń oıyny nemese áskerılerdiń oıyny dep jatady. Óıtkeni shet memleketterde áskerı salada keń órken jaıǵan oıyn. Iaǵnı, áskerı salada damytýǵa qolaıly jarys túri. Qazirgi tańda Ulttyq ulan sabynda atalǵan spor túrin damytý jiti nazarǵa alynǵan.
2015 jyly Ulttyq ulan Bas qolbasshysy general-leıtenant Rýslan Jaqsylyqovtyń buıryǵymen regbı Ulttyq ulanda qoldanbaly sport túriniń qataryna endi. Ótken jyly tuńǵysh ret regbıden Ulttyq ulannyń birinshiligi bolyp ótti.
Dodanyń ashylý rásimine kúsh-qýat organdarynyń jetekshileri aýdandyq máslıhat depýtattary, sondaı-aq respýblıkalyq sport uıymdarynyń jáne buqaralyq aqparat quraldarynyń ókilderi qatysty. Sharaǵa arnaıy kelgen Qazaqstan regbı federasıasynyń prezıdenti Murat Jumabekuly Ýanbaevtyń aıtýynsha, Qazaqstanda regbı oıyny 1966 jyldan beri oınalyp, kóbine-kóp stýdentter qaýymy arasynda oınalyp keledi eken. 80-shi jyldary Almaty polıtehnıkalyq ınstıtýtynyń stýdentteri KSRO chempıonatyna da qatysyp, bas júldeni jeńip alǵan eken. «Qazirgi tańda regbı oıyny qarqyndy damý ústinde. Ásirese, áskerı salada Ulttyq ulannyń qolbasshylyǵy bul oıynǵa úlken mán berip, qoldanbaly sport retinde damytýǵa kúsh salýda. Ulandyqtar sońǵy jyldary barlyq áskerı bólimderinde osy oıynnan jarystar ótkizip, sońynan úlken kólemdegi respýblıkalyq dodany uıymdastyryp otyr. Salaýatty ómir saltyn nasıhattap, sport ataýlyǵy keń túrde kóńil bólip otyrǵan Ulttyq ulan qolbasshylyǵyna alǵysymdy bilidiremin», – dep atap ótti Qazaqstan Respýblıkasy regbı federasıasynyń tóraǵasy M.Ýanbaev.
Jarystyń qorytyndysy boıynsha Almaty qalasy 3650 áskerı bóliminiń sportshylary bas júldeni ıelenip, Ulttyq ulan «Ońtústik» óńirlik qolbasshylyǵy qolbasshysynyń kýbogyn ıelendi. Al ekinshi orynnan almatylyq 7552 áskerı bólimi kórinse, qola júldeni Taraz qalasynan kelgen 5513 áskerı bóliminiń regbı komandasy ıelendi.
Oıynnyń úzdik oıynshysy bolyp, 6698 áskerı bóliminiń sportshysy serjant Qaharman Nambaev tanyldy.
Jeńimpazdar baǵaly syılyqtarmen marapattalyp, sonymen qatar 28237 áskerı bóliminiń dene shynyqtyrý jáne sport qyzmetiniń bastyǵy maıor Tólegen Abdrahımovqa jáne oıyn sýdıalary Baǵdat Moldahmetke, Taır Mıkýlıchke qolbasshy atynan alǵys jarıalandy.
