Qazaqstan Devıs Kýbogynyń Álemdik tobyna shyǵý úshin Argentına komandasymen kezdesedi. Eki el tenısshileriniń kezdesýi 15-17 qyrkúıek kúnderi ótedi dep habarlaıdy Qamshy.kz aqparat agenttigi Astana qalasy ákimdiginiń baspasóz qyzmetine silteme jasap.
«2017 jyldyń 15-17 kyrkúıeginde Astana qalasynyń Ulttyq tenıs ortalyǵynda Devıs Kýbogynyń pleı-off machy ótedi. Qazaqstan Álemdik topqa shyǵý úshin Devıs Kýbogynyń chempıony Argentına komandasymen synǵa túsedi. Qazaqstan men Argentına komandalarynyń quramy machqa 10 kún qalǵanda beligili bolady» delingen Qazaqstan tenıs federasıasy taratqan baspasóz habarlamasynda.
Buǵan deıin Qazaqstan komandasy 7-9 sáýirde Qytaı komandasyn (Azıa jáne Muhıt aralyq aımaǵynyń I toby) 4:1 esebimen jeńgen bolatyn.
