Din isteri jáne azamattyq qoǵam mınıstrliginiń ókilderi saqal men balaqtyń uzyndyǵy din týraly zańda aıtylmaıtynyn málimdedi. Bul týraly Din isteri komıteti tóraǵasynyń mindetin atqarýshy Erkin Ońǵarbaev aıtty dep habarlaıdy Qamshy.kz aqparat agenttigi.

Aıta ketetin bolsaq, ótken jyly Qazaqstanda bolǵan bireneshe terrorlyq aktilerge ásire dinshil radıkaldar toptardyń qatysy anyqtalǵan. Sodan soń qoǵamda «Uzyn saqal men qysqa balaq» máselesi qatty talqylanyp ketken edi. Tipti, Elbasy Nazarbav bulaı júrýdiń saýatsyzdyq ekenin aıtqan bolatyn.

Sáýir aıynda QMBD ókilderimen kezdesý barysynda «Dinı saýatsyzdyǵynyń nátıjesinde jastarymyz saqal qoıyp, shalbarynyń balaqtaryn qysqartyp tastaıdy. Qara kóılek kıip, beti-aýzyn tumshalaǵan qyzdarymyzdyń qatary kóbeıdi. Bul bizdiń dástúrimizge de, halqymyzǵa da jat. Buǵan zańnamalyq deńgeıde tyıym salý máselesin pysyqtaý kerek. Qazaq qara kıimdi qaraly kezde ǵana kıedi», - degen edi Memleket basshysy.

Búgingi zańda «Qazaqstan Respýblıkasynyń keıbir zańnamalyq aktilerine dinı qyzmet jáne dinı birlestikter máseleleri boıynsha ózgerister men tolyqtyrýlar engizý týraly» zań jobasy jaıly aıtylyp otyr. 

«Qazirgi ýaqytta bul másele qarastylyrylyp otyrǵan joq: qysqa balaq shalbar men saqal (...) Tájikstanda mundaı normalar qabyldanǵan, Sınszán-Uıǵyr avtonomıalyq okrýginde de bar, osy máseleni retteıtin erejeler men normatıvtik aktiler bekitilgen. Búginde biz mundaı normany qabyldamaımyz. Sebebi qandaı jaǵdaı bolsa da bul zańdy iske asyrý úshin zań aıasyndaǵy normatıvtik aktiler qajet. Quzyrly memlekettik organdar aldaǵy ýaqytta mundaı zańdy iske asyrý úshin qandaı da bir qadamdardy qarastyrýy qajet», – dedi Ońǵarbaev.

Al osynyń aldynda Qazaqstan Prezıdenti Nursultan Nazarbaev Qazaqstan musylmandary dinı basqarmasy ókilderimen kezdesý kezinde qysqa balaq pen uzyn saqaldyń bizdiń dástúrge saı kelmeıtinin aıtty. Elbasy mundaıǵa zań júzinde tyıym salýdy usynǵan bolatyn. 

«Dinı saýatsyzdyǵynyń nátıjesinde jastarymyz saqal qoıyp, shalbarynyń balaqtaryn qysqartyp tastaıdy. Qara kóılek kıip, beti-aýzyn tumshalaǵan qyzdarymyzdyń qatary kóbeıdi. Bul bizdiń dástúrimizge de, halqymyzǵa da jat. Buǵan zańnamalyq deńgeıde tyıym salý máselesin pysyqtaý kerek. Qazaq qara kıimdi qaraly kezde ǵana kıedi», – degen edi Memleket basshysy.

Eske salaıyq, zań jobasynyń aıasynda adamnyń túr-keskinin tanýǵa kedergi bolatyn kıim kıýge tyıym salý usynylǵan.