Djeın Orvıs. «Tereze»

Rıtanyń jan túrshigerlik qazasynan soń...

Sodan beri Karter tereze aldynda otyr. Eshqandaı teledıdar, oqý, hat almasýsyz. Onyń ómiri – perde artynan ne kórinse – sol.

Kim tamaq ákeledi, esepshotty kim tóleıdi – oǵan báribir. Bárine túkirgeni bar jáne bólmesin tastap ketpeıdi. Onyń ómiri – júgirgen dene shynyqtyrýshylar, jyl mezgiliniń aýysýy, júrip-turǵan avtobýstar men Rıtanyń elesi.  Karter úzikpen qaptalǵan palata ishinde tereze joqtyǵyn túsinbeıdi.

Larısa Kerklend. «Sóz salý»

Juldyzdy tún. Ýaqyty kelgen sát. Sham jaryǵymen keshki as. Mop-momaqan ıtalıalyq meıramhana. Tógile túsken kishkene qara kóılek. Tańǵajaıyp shash úlgisi, jarqyraǵan kózder jáne oǵan jalǵas kúmis kúlki. Eki jyl birgemiz. Ǵajaıyp ýaqyt! Shynaıy mahabbat, eń jaqsy dosym... Basqa eshkim joq. Shampan! Qolymdy da, júregimdi de usynyp turmyn. Bir tizerlep. Adamdar qaraýda? Onda turǵan ne bar, qaraı bersin! Kózdiń jaýyn alǵan gaýhar júzik. Alqyzyl bet, ǵajaıyp jymıý. Qalaısha, joq?!

 Charlz Enraıt. «Eles»

Oryn alǵan jaıttan soń birden áıelime qaıǵyly habardy jetkizgim kelip úıge asyqtym. Biraq, ol meni tipten tyńdap otyrmaǵan kórindi. Ol meniń bar-joǵymdy da elemedi. Meniń art jaǵyma kóz tastady da, ózine sharap quıyp aldy. Teledıdar qosty. Osy ýaqytta telefon qońyraýy shyldyr ete qaldy. Jaqyndap baryp, telefon tutqasyn aldy. Men onyń qabaǵy qalaı shytylyp bara jatqanyn kórdim. Ol ashshy jylap jiberdi.

Endrú E. Hant. «Alǵys»

Jaqynda ǵana qaıyrymdylyq qorynan kelgen jún odeıalo ıyǵynan jaıly qushaqtap, jaımashýaq sezimge bóledi. Al qoqys jáshiginen búgin taýyp alǵan báteńkeler múldem aıaqty qyspaýda. Kóshe ottary bastan ótken barsha qarańǵy túnekten soń janǵa jaıly jylý syılap tur...

Aǵash otyrǵyshtardyń beli sharshap-shaldyqqan arqasyna sonshalyqty tanys bolyp kórindi. "Raqmet saǵan, Táńirim, – oılandy ol, – ómir netken tamasha!"

Braıan Núell. «İbilistiń qalaýy»

İrgesin aýlaq salǵan ibiliske eki bala qarap turyp qaldy. Gıpnozdy kózderdiń jarqyly bastaryn áli tumandatyp tur.

– Tyńda, ol senen ne qalady?  

– Meniń janymdy. Al senen?

– Telefon-avtomatqa maıda tıyn-teben surady. Tez arada habarlasýy kerek eken.

...

– Kettik, tamaqtanǵyń kelip tur ma?

– Iá, biraq meniń qaltamda kók tıyn qalmady ǵoı.

– Eshteńe etpeıdi. Mende jeterlik.

Alan E. Maıer. «Qyrsyq»

Meńdetken aýyr dertpen birge kózimdi ashtym. Kózimdi ashyp edim, kereýet qasynan medbıkeni kórdim. 

– Fýdjıma myrza, – dedi maǵan qarap, – Sizdiń jolyńyz boldy. Eki kún burynǵy Hırosımany bombalaý kezinde aman qaldyńyz. Endi siz qazir aýrýhanadasyz. Endi sizge esh qaýip joq. 

Álsizdikten ál-dármenim quryp jatyp, surap úlgerdim:

– Men qaıdamyn?

– Nagasakıdesiz, – dep ol til qatty.

Djeı Rıp. «Taǵdyr»

Bárin basqalaı sheshý úshin bizde bir ǵana jol qalǵan bolatyn. Áıtpegen jaǵdaıda ómirimiz shyrmaýyq tústes bir torǵa shyrmalyp, barlyq raqattan qur qalatyn edik.

Jerebege senip tapsyrdyq: búrkit - onda biz úılenemiz, shik - onda biz máńgilik aıyrylysamyz. Mánet tastaldy. Jer ústinde aınalyp, tolǵanyp baryp toqtaı qaldy. Búrkit. Ekeýmiz esh túsinbeı qarap qaldyq. Artynsha, bir ýaqytta bir sózdi aıtyppyz:" Múmkin, taǵy bir márte?"

Robert Tompkıns. «Shyndyqty izdeý jolynda»

Aqyry osy bir typ-tynysh, ońasha jatqan eldi-mekende onyń sapary aıaqtaldy. Eski úıdiń esik aldynda ot jaǵyp Shyndyq otyr. Ol ómirinde munan asqan kári ári usqynsyz áıel balasyn kórgen emes.

– Siz – Shyndyq?

Bet-aýzy ájimdenip ketken kári qaqpas saltanatty túrde bas ızedi.

– Aıtsańyzshy, men álemge neni jetkizýim kerek? Qandaı habar alyp baraıyn?

Kempir otqa túkirdi de til qatty:

– Olarǵa meniń ádemi ári jas ekenimdi aıta bar!

Avgýst Salemı. «Zamanaýı medısına»

Kózdi shaǵylystyrǵan far shamy, esten tandyrǵan saı-súıektiń syqyry, súıekten ótken syzat, shegine jetken jan qınaý, azap, sodan keıingi jyp-jyly, tán elitken taza kók sáýle. Djon ózin munshama baqytty, jap-jas, erkin sezinip kórgen emes. Sáýleli shuǵylaǵa jaqyndaı tústi. Dert pen qarańǵylyq erteli-kesh qaıta oraldy. Djon jaımen bolsa da, úlken kúshpen isinip ketken kózin ashty. Bıntter, túsinip bolmas trýbkalar, gıpster. Eki aıaq buryn-sońdy joq bolǵandaı. Jylamsyraǵan jary.

– Sen aman qaldyń, qymbattym!

Derekkóz: massaget.kz