Almaty oblysynda ótken «Qymyzmuryndyq – 2026» etnofestıvali máresine jetip, sharadan keıin «Taza Qazaqstan» ekologıalyq baǵdarlamasy aıasynda Qarqara jaılaýynda tazartý jumystary júrgizilýde. Aldaǵy kúnderi de bul jumystar jalǵasatyn bolady, – dep habarlaıdy Almaty oblysy ákiminiń baspasóz qyzmeti.

Komýnaldyq qyzmet mamandary men eriktiler qoqystardy jedel jınap, alańdy retke keltirýde. Sonyń nátıjesinde aýmaqtyń tazalyǵy saqtalyp, qorshaǵan ortany qorǵaý talaptary qamtamasyz etildi. Turmystyq qaldyqtar men plasık bótelkeler arnaıy tehnıkamen shyǵarylyp jatyr.

Bul aýqymdy mádenı jobalardy tabıǵatqa janashyrlyqpen qarap, ekologıalyq jaýapkershilikti saqtaýmen ushtastyrýǵa bolatynyn kórsetti. Osylaısha, «Qymyzmuryndyq – 2026» festıvali kópshilikke jarqyn áser men umytylmas estelikter ǵana syılap qoıǵan joq. Sonymen qatar ulttyq murany qurmetteý tabıǵatqa qamqorlyqtan bastalatynyn aıqyn kórsetti. «Taza Qazaqstan» baǵdarlamasynyń mańyzdylyǵyna kópshiliktiń taǵy bir márte kózin jetkizdi.