Jańa QR Bilim jáne ǵylym vıse-mınıstri taǵaıyndaldy

Jańa QR Bilim jáne ǵylym vıse-mınıstri taǵaıyndaldy

Aigerim Taubay 17:33, 29 tamyz 2017

/uploads/thumbnail/20170829150227188_small.jpg

QR Úkimetiniń qaýlysymen Asqat Aımaǵambetov Elmıra Sýhanberdıevanyń ýaqytsha demalysqa ketýine baılanysty Qazaqstan Respýblıkasy bilim jáne ǵylym vıse-mınıstri qyzmetine ýaqytsha taǵaıyndaldy. Bul týraly Qamshy.kz aqparattyq agenttigi Premer-mınıstrdiń baspasóz qyzmetine silteme jasap habarlaıdy.

Asqat Aımaǵambetov 1982 jyly Qaraǵandy oblysynda dúnıege kelgen. 2003 jyly E.Bóketov atyndaǵy QarMÝ tarıh fakúltetin «tarıhshy, tarıh muǵalimi» biliktiligi boıynsha támamdaǵan.

2006 jyly – Qaraǵandy «Bolashaq» aktýaldy bilim berý ınstıtýtynyń zań fakúltetin «quqyqtaný» mamandyǵy boıynsha aıaqtaǵan.

Eńbek jolyn 2002 jyly E. Bóketov atyndaǵy QarMÝ-den bastaǵan, 2004-2005 jyldary «Ańsar» jastar lıgasy» QB tóraǵasy bolǵan, 2005-2006 jyldary «MEDIA SP» JSHS dırektory, 2006-2012 jyldary – E.Bóketov atyndaǵy QarMÝ saıasattaný jáne áleýmettaný kafedrasynyń oqytýshysy, aǵa oqytýshysy, dosenti retinde qyzmet atqarǵan.

2012-2014 jyldary Nura aýdany ákiminiń áleýmettik máseleler jónindegi orynbasary qyzmetin atqarǵan. 2014 jylǵy aqpan aıynan bastap qazirgi kúnge deıin – Qaraǵandy oblysy Bilim berý basqarmasynyń basshysy laýazymyn atqarǵan.

2003-2012 jyldar aralyǵynda Qaraǵandy qalalyq máslıhatynyń III jáne IV shaqyrylymdarynyń depýtaty, qala máslıhatynyń áleýmettik máseleler boıynsha turaqty komısıasynyń tóraǵasy bolyp saılanǵan.