Búgin, 29 tamyz kúni Qazaqstan Respýblıkasy Ulttyq ulany «Ońtústik» óńirlik qolbasshylyǵynda Ata Zań kúnin ulyqtaýǵa arnalǵan birqatar merekelik sharalar ótkizdi dep habarlaıdy Qamshy.kz aqparat agenttigi.

Táýelsizdiktiń teńdessiz tartýy – Ata Zań merekesine arnalǵan saltanatty sharalar «Ońtústik» óńirlik qolbasshylyǵyna qarasty Qyzylorda, Shymkent, Taraz, Taldyqorǵan jáne Almaty qalalaryndaǵy barlyq áskerı bólimderde ótti.

Almatydaǵy óńirlik qolbasshylyqta ótken sharany ashqan Ulttyq ulan «Ońtústik» óńirlik qolbasshylyǵy qolbasshysynyń mindetin ýaqytsha atqarýshy general-maıor Andreı Dostaıuly Qaskeleńov: «Ata zań – bizdiń azattyq alǵaly atqarǵan barlyq isterimizdiń altyn tarazysy bolyp tabylady. Bas qujat memlekettiń órkenıetti damýyna negiz qalady, adam quqyǵy men bostandyǵyn qorǵaý isine kepil boldy. Táýelsiz Qazaqstannyń Konstıtýsıasy óziniń ómirsheńdigin, demokratıalyq qaǵıdalarǵa adaldyǵyn dáleldedi. Uly zańymyzdy ulyqtap, qadir-qasıetine mán berip, bárinen de bıik, bárinen de qymbat asyl dúnıemizdeı ardaq tutý barshamyzdyń basty mindetimiz», – dep atap ótip, elimiz úshin máni men mańyzy aıryqsha merekemen jınalǵandardy quttyqtady.  

Osy oraıda tarqatqanda Ulttyq ulannyń memlekettiń qaýipsizdigi jolynda, Ata Zańymyzdan tarmaqtalǵan zań qaǵıdattarynyń saqtalyp, elimizde mamyrajaı tynyshtyq qushaǵynda ómir súrýine sińirip otyrǵan qyzmeti ólsheýsiz deýge bolady. Qazirgi tańda jurtshylyqqa Ulttyq ulan sabyndaǵy áskerı qyzmetshiler Konstıtýsıamen bekitilgen árbir zań talaptarynyń oryndalýyn qadaǵalaýshy, jeke adamdardyń, qoǵam men memlekettiń qaýipsizdigin qamtamasyz etýge, azamattardyń bostandyǵy men quqyqtaryn qylmystyq jáne quqyqqa qarsy áreketterden qorǵaýshylar retinde tanymal. Bul oraıda Memleket basshysy N.Nazarbaev: “Bizdiń ishki áskerlerimiz asa jaýapty mindetterdi oryndaıdy – olar elimizdegi ishki tártipti qamtamasyz etedi. Ásker elimizdiń ulttyq qaýipsizdigin nyǵaıtýǵa úlken úles qosýda», – dep atap ótken bolatyn.

Ústimizdegi jyly Qazaqstan Respýblıkasy Ulttyq ulanyn 2017-2019 jyldary damytý men jetildirýge arnalǵan Jospardy júzege asyrý bastaldy. Bul aýqymdy atqarylar jumystyń maqsaty Ulttyq ulan vedomstvosyn Qazaqstan Respýblıkasy İİM júıesinde damyta otyryp, jeke quramnyń utqyrlyǵyn, áskerı qyzmetshilerdiń kásibı biliktiligin arttyrý, el qaýipsizdigin tıimdi qorǵaýǵa múmkindik beretin zamanaýı qarý-jaraq, áskerı jáne arnaıy tehnıkamen jasaqtaý bolyp tabylady.

Sondaı-aq, táýelsizdik jyldary qyzmettik-jaýyngerlik mindetterdi oryndaý kezinde tanytqan erligi men batyldyǵy, áskerı qyzmettegi jetistikteri úshin Ulttyq ulany «Ońtústik» óńirlik qolbasshylyǵynyń 100-den asa jaýyngeri orden jáne medaldarmen nagradtaldy. Sońǵy eki jyldyń ishinde ǵana áskerı qyzmetti abyroıly atqaryp, qoǵamdyq tártipti qamtamasyz etý kezinde qyzmetti uıymdastyra bilýi men qylmystardy ashýǵa belsendi atsalysqany úshin 22 áskerı úkimettik jáne vedimistik nagradalarmen marapattaldy.

Qoryta aıtqanda, Ulttyq ulan jaýyngerleriniń aıbyndy qyzmeti – halqymyzdyń bostandyǵynyń, elimizdegi quqyqtyq tártip pen tynyshtyqtyń jáne ár qazaqstandyq senimdiliginiń myzǵymas kepili. Ata zańǵa adal jaýyngerler el ıgiligi men qoǵam tynyshtyǵy jolynda qaltqysyz qyzmet ete bermek.

Shara barysynda jaýyngerlik qyzmette erik-jigerimen, tabandylyǵy jáne eńbeksúıgishtigimen daralanǵan áskerı qyzmetshilerge qurmet kórsetilip, syı-marapat jasaldy.

Sondaı-aq, ulandyqtar atalǵan merekege aıryqsha qurmet bildire otyryp, Almaty qalasy S.Seıfýllın jáne M.Mametova kósheleriniń qıylysyndaǵy «MEGA» oıyn-saýyq kesheninde qala turǵyndary úshin QR Ulttyq ulany «Ońtústik» óńirlik qolbasshylyǵynyń «General» án-bı ansambli merekelik konsertik baǵdarlamamen tartý jasady.

Maıor Arman ÁÝBÁKİROV, 

QR Ulttyq ulany «Ońtústik» óńirlik qolbasshylyǵy baspasóz qyzmetiniń bastyǵy