BUU-nyń málimdeýinshe, Rakkada soǵysyp júrgen jaýyngerler turǵyndar quqyǵyn saqtap jatqan joq. Bul týraly Qamshy.kz aqparat agenttigi sheteldik BAQ-qa silteme jasap habarlaıdy.

Málimetterge súıensek, 20 myńǵa jýyq turǵyny qorshaýda qalǵan. Olardyń keıbirin lańkester tiri qalqan retinde paıdalanýy múmkin. Jalpy Rakkany azat etý operasıasy ótken jyldyń qarashasynda bastaldy. Áskerı joryqqa Sırıanyń demokratıalyq kúshteri men AQSH basqaratyn koalısıa qatysyp jatyr.

Sondaı-aq munda Iran men Reseı qoldaý kórsetetin Sırıa bıliginiń jaýyngerleri de bar. Birikken ulttar uıymynyń málimetterine qaraǵanda, tamyz aıynda qalaǵa jasalǵan áýe soqqylarynyń sany kúrt artqan. Máselen, Aq úı basqaratyn koalısıa shildede shahardy áýeden 645 ret atqylasa, tamyzda 1100 ret soqqy jumsaǵan. Saldarynan birneshe aptanyń ishinde 151 adam qaza tapqan. Sondyqtan uıym músheleri kez kelgen áskerı operasıany bastar aldynda naqty jospar quryp, qarapaıym turǵyndardyń ómirine qater tóndirmeý kerektigin aıtady.