Sheshenstan basshysy Mánmadaǵy bolǵan úkimettik kúshter men rohındja musylmandary arasynda oryn alǵan qandy oqıǵalarǵa baılanysty óziniń ashyq pikirin bildirdi, dep jazady Qamshy.kz aqparat agenttigi.
Óziniń Instagram paraqshasynda Ramzan Qadyrov jurtshylyqpen tikeleı efırge shyqty. Sheshenstan prezıdenti óz sózinde Reseılik BAQ ókilderin aıyptady.
«Osy Eýropada bir kishigirim terakt bolǵan kúnde búkil álemdik lıderler men jahandyq BAQ ókilderi aıǵaılatyp shyǵady. Al bir-eki kúnde júzdegen adamdar genosıdqa ushyryp jatqan kezde eshkim eshteme aıtpaı otyr.
Eger Reseı resmı túrde musylmandardy óltirip jatqan shaıtandardy qoldaıtyn bolsa, men tipti Reseıge qarsy shyǵýǵa daıynmyn.
Bul másele boıynsha men tolyqqandy Erdoǵandy (Túrkıa prezıdenti) qoldaımyn. Odan basqa men janashyrlyq bildirip otyrǵan eshkimdi kórip otyrǵan joqpyn» ,- dedi Sheshenstan basshysy.
Eske sala keteıik, Mánma elinde (burynǵy Bırma) úkimettik kúshter men rohındja musylmandary arasynda bir apta buryn bastalǵan qaqtyǵystyń saldarynan 400-den asa adam óltirilgen.
