2017 jylǵy 1 qyrkúıek, saǵat 14.30-da Qazaqstan Respýblıkasynyń Ulttyq mýzeıinde Belarýs Respýblıkasynyń Ulttyq tarıhı mýzeıi qorynan Qazaqstan Respýblıkasynyń Ulttyq mýzeıine ýaqytsha kórmege qoıý úshin etnografıalyq jáne turmystyq buıymdar koleksıasyn tapsyrý rásimi ótti dep habarlaıdy Qamshy.kz aqparat agenttigi.
İs-shara Belarýs Respýblıkasy Prezıdenti Ákimshiliginiń Basshysy Kochanova Natalányń Qazaqstan Respýblıkasyna resmı sapary aıasynda uıymdastyrylyp otyr.
Ashylý saltanaty barysynda alǵashqy bolyp sóz alǵan Kochanova Natalá:
«Belarýs Respýblıkasynyń Ulttyq tarıhı mýzeıinen etnografıalyq jáne turmystyq buıymdar koleksıasyn Qazaqstan Respýblıkasynyń Ulttyq mýzeıine tapsyrý men úshin úlken qýanysh. Bul koleksıadaǵy negizgi buıym retinde men ulttyq áıel kıimin aıta alamyn. Óıtkeni, kıimdi, ásirese, áıel kıimin – kez-kelgen ulttyń turmysy men salt-dástúriniń aınasy deýge bolady. Búgingi biz syıǵa tartyp otyrǵan koleksıa mýzeıge kelýshilerge Belarýs eliniń mádenıetin tolyq ashyp beredi degen senimdemin!» - dep sózin túıindedi.
Belarýssıanyń halyqtyq shyǵarmashylyǵynyń jalpy kórinisinde súlgiler kóne zamannan beri belgili jáne erekshe oryn alady. Olar árdaıym turmystyq qoldanys maqsatynda ǵana emes, sonymen birge turǵyn úıler men ıkondardy bezendirýde, sondaı-aq úılený, jerleý rásimine jáne basqa rásimderde keńinen qoldanylǵan.
Belarýs Respýblıkasynan syıǵa tartylatyn qolóner týyndylary Ulttyq mýzeıdiń «Qazaqstan halqy Assambleıasynyń tarıhy jáne kópultty Qazaqstan» zalynyń, belarýs halqyna arnalǵan bóligine qoıyldy.
Qazaqstan Respýblıkasy Ulttyq mýzeıi men Belarýs memleketi mýzeıleri arasyndaǵy baılanys belsendi túrde damyp keledi.
2017 jyldyń sáýirinde Qazaqstan Respýblıkasynyń Ulttyq mýzeıinde «Lıssabonnan Mınsk arqyly, Máskeý, Astanadan Vladıvostokqa deıin» kórmesiniń ashylý rásimi ótti. Bul joba Belarýs Respýblıkasynyń Qazaqstandaǵy Elshiligi men Qazaqstan Respýblıkasynyń Ulttyq mýzeıiniń birlesken jumysynyń nátıjesi boldy.
Sondaı-aq, Ulttyq mýzeıde 2016 jyly belarýs eliniń fotosýretshisi Marına Batúkovanyń «Sýla. Úzdiksiz» kórmesi sátti ótken bolatyn.
