Qazaqstan Respýblıkasynyń syrtqy ister mınıstri Qaırat Ábdirahmanov Mánmada oryn alǵan oqıǵaǵa baılanysty óz pikirin bildirdi, dep habarlaıdy Qamshy.kz aqparat agenttigi QazAqparat málimetine súıenip.
«Mánmada musylman qaýymynyń jaǵdaıyna baılanysty alańdaýshylyq bildiremiz. Bul jerdegi ıslamǵa keri tendensıany baıqap otyrmyz. Osyǵan baılanysty Islam yntymaqtastyǵy uıymy baılanys toby sekildi qurylymy Mánmadaǵy ahýaldy retteýge belsendi tartylǵany óte mańyzdy. Sonymen qatar, uıym ókilderi bul eldiń bılik tarapymen dıalogta bolǵany ózekti», - dedi mınıstr tilshilerge bergen suhbatynda.
Sonymen qatar QR Parlamenti Senatynyń tóraǵasy Qasym-Jomart Toqaev ta Mánmadaǵy oqıǵaǵa baılanysty óz pikirin bildirdi.
«BUU tarapy Mánmadaǵy oqıǵalarǵa qatysty óziniń ustanymyn jarıalaýy tıis. Sebebi jazyqsyz kóptegen musylmandar qatygezdik repressıasynyń qurbanyna aınalýda», - dep jazdy Toqaev Twitter-degi akkaýntynda.
