Bıyl Batys Qazaqstan oblysy boıynsha 380 mektep oqýshylarǵa esigin aıqara ashty. Solardyń biri – Nazarbaev zıatkerlik mektebindegi «Alǵashqy qońyraý» saltanatyna oblys ákimi A.Kólginov qatysyp, ustazdar men oqýshylardy jańa oqý jylynyń bastalýymen quttyqtady dep habarlaıdy Qamshy.kz aqparat agenttigi.
- Búgingideı beıbit zamanda jastarǵa qoıylatyn talap – bilim alý. Eger ár oqýshy mektep qabyrǵasynda, keıin joǵary oqý ornynda sapaly bilim alatyn bolsa, erteńgi kúni elimizdi jańa bıikterge jeteleri anyq. Elbasymyzdyń «Rýhanı jańǵyrý» baǵdarlamasynda da jastarǵa erekshe kóńil bólý kerek ekendigi aıtylǵan. Óıtkeni kez kelgen ulttyń bolashaǵy – jan-jaqty jetilgen, bilim alǵan, azat oıly, sanaly urpaq. Sondyqtan bar ynta-jigerlerińizdi oqýǵa arnańyzdar, - dep quttyqtaý tilegin jetkizdi oblys ákimi. Sondaı-aq mekteptiń jyldaǵy dástúrine saı Nazarbaev mektebiniń 7-shi synyp oqýshylarymen mektep aýlasyna alma aǵashyn otyrǵyzdy.
Keıin A.Kólginov №7 jalpy orta bilim beretin mektep oqýshylarymen júzdesti. Oblystaǵy eń baıyrǵy mektepterdiń biri sanalatyn oqý ordasynyń ujymymen áńgimelesip, ǵımarat ishin aralap, mekteptiń materıaldyq-tehnıkalyq bazasyn kórdi. Oblys ákimi arnaıy bas suqqan taǵy bir bilim oshaǵy – Daryndy balalarǵa arnalǵan S.Seıfýllın atyndaǵy №11 mektep-ınternat-kesheni. Munda bilim álemine jańa qadam basqan alǵashqy synyp oqýshylarymen áserli áńgime órbip, oblys ákimi olarǵa Elbasynyń syı kitaptaryn tabys etti. 90 jylǵa jýyq tarıhy bar bilim oshaǵynan osy jyldar ishinde myńdaǵan bilimdi shákirt túlep ushty. Solardyń izin jalǵaǵan búgingi býyn oqýshylar da óz jetistikterimen mektep mereıin asyryp júr. Arnaıy kezdesýge kelgen oblys ákimin Qazaqstannyń qalyptasýy men damýy týraly syr shertetin arnaıy derekti fılmdi kórýge shaqyrǵan joǵary synyp oqýshylary keıin suraqtaryn da qoıdy. El bolyp qolǵa alynǵan «Rýhanı jańǵyrý» baǵdarlamasynyń mańyzy týraly surap, óz oılarymen de bólisti. Suraq qoıýshy oqýshylardyń arasynda óz oılaryn aǵylshyn tilinde jetkizgender de boldy. Sondaı-aq jastardyń qarjylyq saýattylyǵyn arttyrý maqsatynda mektep baǵdarlamasyna arnaıy pán engizý týraly da usynystaryn aıtty.
Aıta ketý kerek, bıyl Batys Qazaqstan oblysy boıynsha 12 bilim berý nysanyna 1 241,0 mln.teńgege kúrdeli jóndeý júrgizilse, 10 bilim berý nysanynyń qurylys salynýda. Olardyń 4-ýi aýdandarda. Sondaı-aq keler jyly kúrdeli jóndeýdi qajet etetin nysandardyń tizimin jasaý boıynsha jumystar atqarylýda. Bilim kúni №21 jalpy orta bilim beretin mektepke arnaıy barǵan oblys ákimi oqý ordasyn aralap kórip, aldaǵy jyly kúrdeli jóndeýdi qajet etetin nysandardyń qataryna qosý týraly tapsyrma berdi.
