Bıyl "Úzdik áleýmettik joba" konkýrsyna 12 ótinim túsip, "Jiger-M" qoǵamdyq birlestigi jeńip aldy, - dep. Bul birlestik "Múmkindigi shekteýli jastardy qoljetimdi sport túrlerimen shuǵyldanýǵa baýlý" jobasymen grantqa ıe boldy. Bul týraly Almaty oblysynyń óńirlik komýnıkasıalar qyzmeti alańynda belgili boldy.

"Konkýrsqa jobalar mazmuny, tanystyrýy, ary qaraı damýy jaǵynan iriktelinip alyndy. Áleýmettik joba bolǵandyqtan barynsha qoǵamǵa eń qajettisi tańdalynyp alyndy, ıaǵnı múgedekterge meılinshe kómek berý. Jalpy 2014 jyldan bastap "Qazaqstanda iske asyrylatyn úzdik áleýmettik jobalar" kórmesi QR Eńbek jáne halyqty áleýmettik qorǵaý mınıstrliginiń uıymdastyrýymen respýblıkalyq jáne óńirlik deńgeıde ótkizilip keledi. İs-sharalar qoǵamdyq birlestikterge kómek kórsetý jáne halyqtyń áleýmettik osal toptarynyń, onyń ishinde ómirlik qıyn jaǵdaıǵa tap bolǵan múmkindikteri shekteýli adamdardyń ómir súrý deńgeıin kóterý maqsatynda jáne shyǵarmashylyq deńgeıin damytýǵa baǵyttalǵan", - dedi oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Naýryzbaeva Sánıa.

Aıta keteıik, áleýmettik joba oblystyq baıqaýdan ótken soń, respýblıkalyq deńgeıde saraptalynatyn bolady.