Qyrǵyzstan men Ózbekstan arasyndaǵy «Dostyq» shekara beketi resmı túrde ashyldy. Aldaǵy kúnderi eki eldiń azamattary bir-birine erkin qatynaı alady. Bul týraly Qamshy.kz aqparat agenttigi 24.kz málimetine súıenip habarlaıdy.
Sondaı-aq qos memlekettiń basshylary ortaq shekaradaǵy daýly aımaqtyń 85 paıyzynda kelisimge keldi. Ol Ózbekstan prezıdentiniń Qyrǵyzstanǵa jasaǵan alǵashqy memlekettik sapary barysynda júzege asty. Kelissóz barysynda shekara daýynan bólek shıelenisken sý máselesi de sheshimin tapty. Oǵan qosa qos tarap Qyrǵyzstan arqyly Ózbekstannyń Ándijan qalasynan Qytaıǵa deıin kúre jol salýǵa ýaǵdalasqan.
