QR Tuńǵysh Prezıdenti – Elbasy qory janyndaǵy Álemdik ekonomıka jáne saıasat ınstıtýtynyń dırektory Erjan Saltybaev «Albright Stonebridge Group» konsaltıńtik fırmanyń qyzmetkeri, AQSH Memlekettik hatshysynyń Ońtústik jáne Ortalyq Azıa boıynsha eks-kómekshisi Nısha Bısvalmen kezdesti, dep habarlaıdy Qamshy.kz aqparata agenttigi ÁESI baspasóz qyzmetine silteme jasap.
Taraptar Qazaqstan men AQSH-tyń eki aldyńǵy qatarly zertteý uıymdary arasyndaǵy seriktestik baǵyttarynyń perspektıvalaryn talqylady. Pikirtalas barysynda Qazaqstan ekonomıkasynyń shıkizattyq emes sektorynyń áleýetin arttyrý, «Beldeý men jol» bastamasyn júzege asyrý aıasyndaǵy «Nurly jol» ınfraqurylymdyq baǵdarlamasynyń mańyzdylyǵy, sonymen qatar, AQSH pen QR arasynda ınvestısıalyq seriktestik ornatý múmkindikteri qarastyryldy.
- Biz Bıslav hanymdy «Nazarbaev Ortalyǵy» ǵımaratynda qabyldaǵanymyzǵa qýanyshtymyz jáne sarapshylyq pen analıtıkalyq salada seriktestikti nyǵaıtýǵa qyzyǵýshylyq tanytqanyna rızamyz, - dedi EÁSI dırektory Erjan Saltybaev.
N.Bısval Astanaǵa EKSPO-2014 halyqaralyq kórmesiniń jabylý saltanaty men amerıkalyq pavılonnyń qurmetti qonaǵy retinde kelip otyr.
QR Tuńǵysh Prezıdenti – Elbasy Qory janyndaǵy Álemdik ekonomıka jáne saıasat ınstıtýty (ÁESI) 2003 jyly qurylǵan. ÁESI qyzmeti álemdik ekonomıka, halyqaralyq qatynastar, geosaıasat, qaýipsizdik, sonymen qatar, QR Tuńǵysh Prezıdentiniń jumysy men onyń Qazaqstandy táýelsiz memleket retinde qurý men nyǵaıtýǵa jáne jahandyq beıbitshilik kelissózderin júrgizýge qosqan súbeli úlesterin zertteýge negizdelgen.
Albright Stonebridge Group – jahandyq bıznes-strategıalardy júzege asyratyn amerıkalyq konsaltıńtik kompanıa. Onyń tutynýshylary qatarynda transulttyq korporasıalar, qarjy ınstıtýttary, salalyq birlestikter men halyqaralyq qatynas, jańa naryqqa shyǵý jáne qaýipterdi baǵalaý salasyndaǵy beıkomersıalyq uıymdar bolyp tabylady.
