Bilim jáne ǵylym mınıstri Erlan Saǵadıev mektepte uldar men qyzdardy bólek oqytýǵa qatysty óz oıyn bildirdi,  -  dep habarlaıdy Qamshy.kz aqparat agenttigi.

Senatta ótken parlamenttik tyńdaý kezinde depýtat Sársenbaı Eńsegenov mınıstr Erlan Saǵadıevten mektepte qyzdar men uldardy bólek oqytýǵa baılanysty pikirin suraǵan edi. 

"Tárbıesiz bilimniń zıandylyǵy, tipti qaýiptiligi týraly orta ǵasyrda ómir súrgen oıshyldar aıtyp ketken. Mekteptegi bilim berý tárbıesimen birge júrý kerek dep oılaımyn. Bizdiń rýhanı jańǵyrýda aıtylǵan ulttyq kodty engizýde tárbıeniń bereri kóp. Osy oraıda sońǵy kezderi bólip oqytý máselesi, ásirese, qyz balalarǵa arnalǵan mektepter jaıy aıtylýda. Onyń ǵylymı negizderi de jazylyp júr", — dedi depýtat Erlan Saǵadıev. 

Bilim jáne ǵylym mınıstri Erlan Saǵadıev bul usynysty qoldamaıtynyn bildirdi.  

"Basqa memleketterde qalyptasqan dástúr bar. Biraq qyzdarǵa, ul balalarǵa arnalǵan mektepterdiń Qazaqstanda bolǵany durys emes. Bizde ondaı dástúr bolmaǵan. Solaı jasaımyz desek, aldymen qoǵamda úlken pikirtalas jumystaryn júrgizý kerek", — dep aıtty Erlan Saǵadıev.