Taılandtyń ońtústiginde joıqyn jarylys bolyp, tórt adam qaza tapty. Taǵy altaýy jaralanǵan.  Bul týraly Qamshy.kz aqparat agenttigi sheteldik BAQ-qa silteme jasap habarlaıdy. Jarylǵysh tas jolǵa jasyrylyp, aımaqtaǵy tártipti baqylap júrgen áskerıler ótip bara jatqan kezde iske qosylǵan. Alaıda qaskóılik áreketten tek jaýyngerler ǵana emes, beıbit turǵyndar da opat boldy. Ázirge shabýyldy eshqandaı lańkestik top moınyna alǵan joq.

Taıland áskeri ony jergilikti búlikshiler uıymdastyrdy dep kúdiktenip otyr. Aıta keteıik, Taılandtyń ońtústigindegi Iala, Pattanı jáne Narthıvat provınsıasynyń halqy elden bólinip, egemendik alýdy kózdeıdi. Sondyqtan mundaǵy búlikshiler úkimet jasaǵymen únemi qaqtyǵysyp, olarǵa qarsy qastandyqtar jasaýdan tanǵan emes.