Almatyda áıeldi qaǵyp óltirgen júrgizýshi qamaýǵa alyndy, - dep habarlaıdy Qamshy.kz aqparat agenttigi Almaty qalalyq İİD baspasóz qyzmetine silteme jasap.

Eske sala keteıik, jol apaty túnde saǵat 23.50-de Túrksib aýdanynda bolǵan edi.

"1965 jylǵy áıel jaıaý júrginshilerge arnalǵan jolmen ótip bara jatqan. Osy sátte soltústik baǵytpen Toyota Land Cruiser kóligi kele jatqan. Tizginde 1994 jylǵy jigit bolǵan. Ol áıeldi qaǵyp ketip, oqıǵa ornynan jasyrynǵan. Ókinishke qaraı, áıel oqıǵa ornynda kóz jumdy. Qazirgi ýaqytta júrgizýshi QR Qylmystyq-prosessýaldyq kodeksiniń 128-babyna sáıkes ustalyp, ýaqytsha ustaý ızolátoryna qamaldy. Taıaýda oǵan qatysty bultartpaý sharasy tańdalady", - dedi Almaty qalalyq İİD Tergeý basqarmasy basshysynyń orynbasary Oljas Sháripov.

Sondaı-aq, ol qazirgi ýaqytta eki bap boıynsha sotqa deıingi tergeýdiń bastalǵanyn habarlady: QR Qylmystyq kodeksiniń 345-babynyń 3-bóligi ("Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy") men QR Qylmystyq kodeksiniń 347-baby ("Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy") boıynsha.