2017 jyldyń 24  qyrkúıeginde Qazaqstan Respýblıkasy Ulttyq ulany «Qaptaǵaı» oqý ortalyǵynda (Astana q.) Qazaqstan Respýblıkasy Ulttyq ulanynyń arnaıy maqsattaǵy «Búrkit» bólinisi áskerı qyzmetshileriniń kúreń beret kıý mártebesi jáne «Búrkit» keýde belgisin taǵýǵa qol jetkizý úshin qorytyndy kvalıfıkasıalyq synaq tapsyrý sharasy ótkiziledi, dep habarlaıdy Qamshy.kz aqparat agenttigi. 

Kvalıfıkasıalyq synaqtar jyl saıyn QR ár túrli klımattyq jaǵdaıynda ótedi jáne eki kezennen turady. 

Qorytyndy synaqta kúreń beretke úmitkerler barlyǵy 19 normatıvti oryndaý arqyly, tıisti bar qarý-jaraǵymen 75 shaqyrymdyq qashyqtyqty  júgirip shyǵady, onyń ishinde sýly ótkeldi maltyp ótý, tájirıbelik atys jáne belgilengen ýaqyt ishinde úsh qarsylaspen urysqa túsý t.b.

Bıyl elimizdiń barlyq óńirinen kelgen kúreń beret kıýge   úmitker 103 áskerı qyzmetshi kvalıfıkasıalyq synaq tapsyrýǵa ynta tanytty. 

Kvalıfıkasıalyq synaqty sapaly ótkizý maqsatynda jáne kúreń beretke úmitkerlerdiń normatıvterdi oryndaýyn baqylaý úshin    onyń barlyq kezeninde  «Kúreń beret» Ortalyq keńesiniń músheliginde turǵan 37 nusqaýshy jáne aǵa nusqaýshylar tartyldy.

Kvalıfıkasıalyq synaqtyń aqtyq kezeni jáne synaqtan ótken jaýyngerlerge «Búrkit» arnaıy maqsattaǵy bólinistiń sımvolyn saltanatty tapsyrýy 24 qyrkúıekte saǵat   10.00 -  13.00 aralyǵynda ótedi. Sharaǵa QR Qaýipsizdik Keńesiniń hatshysy, İshki ister mınıstri, elimizdiń kúsh qurylymy arnaıy bólimsheleriniń, memlekettik organdardyń, buqaralyq aqparat quraldary ókilderi shaqyrylǵan.

QR Ulttyq ulan baspasóz qyzmeti