Lvov oblysynyń soty Grýzıanyń burynǵy prezıdenti, ári eks-gýbernator Mıhaıl Saakashvılıdi Ýkraına shekarasyn zańsyz kesip ótkneni úshin kináli dep tanydy. Bul týraly Interfaks-Ýkraına habarlady, dep jazady Qamshy.kz aqparat agenttigi.

Agenttiktiń málimetinshe, sot Saakashvılıgk 3400 grıvna (130 dollar) kóleminde aıyppul saldy. Biraq saıasatkerdiń ózi sot otyrysyna qatyspaǵan. Dál sol ýaqytta Cherkas oblysynda kezdesýde bolǵan.

Budan buryn Ýkraına bas prokýrory Iýrıı Lýsenko Saakashvılıdiń Ýkrıana shekarasyn zańsyz kesip ótkeni úshin mindetti túrde aıyppul tóleıtinin málimdegen.

10 qyrkúıekte Grýzıanyń burynǵy prezıdenti jáne Odessa oblysynyń eks-gýbernatory Mıhaıl Saakashvılı jaqtastarymen birge Ýkraına shekarasyna basyp kirgen. Oqıǵa ornynda Ulttyq polısıanyń 11 jaýyngeri men Memlekettik shekara qyzmetiniń 5 qyzmetkeri zardap shekken.

Ýkrına Bas prokýrory Iýrıı Lýsenko ýkraınalyq shekara qyzmetkerlerine zardabyn tıgizgenderge qylmystyq is qozǵalyp, 7 jylǵa bas bostandyǵynan aıyrylatynyn málimdegen.

26 shildede el prezıdenti Petr Poroshenko Saakashvılıdi Ýkraına azamattyǵynan shyǵaryp tastaǵan bolatyn. Al eshqandaı eldiń azamattyǵyn almaǵan eks-gýbernatordyń sol ýaqytta AQSH pen Polsha arasynda emin-erkin júrgen. Saakashvılı Ýkraınaǵa qaıtyp oralǵannan keıin, Poroshenkoǵa qarsy kúresin jalǵastyratynyn jáne elde bılik úshin kúresti revolúsıalyq jolmen emes, zań aıasynda júrgizetinin málimdegen.