Astanada ýchaskelik polıseıler «Stolıchnyı» turǵyn úı kesheninde 8 qabattan sekirmek bolǵan qyzdy qutqaryp qaldy, - dep habarlaıdy Qamshy.kz aqparat agenttigi. 

Elordalyq İİD baspasóz qyzmetiniń habarlaýynsha, polısıa qyzmetkerleri ýchaskeni aralaý kezinde bir qyzdy kórip qalǵan. Ol 8-qabattyń balkonda turyp, sekirmek bolǵan.  Polısıa aǵa leıtenanty Temirhan Qaıyrbekov pen polısıa kapıtany Asqar Papyshev esh ýaqyt joǵaltpastan tezdete 8-qabatqa kóterilip,  balkonnyń shetine taıap qalǵan qyzdy ustap úlgeredi»,-delingen habarlamada. 

28 jastaǵy qyzdyń túsindirýinshe, ol óziniń jigitimen urysyp qalypty. Polısıanyń deregine qaraǵanda, qazirgi ýaqytta oǵan  psıhologıalyq turǵyda kómek kórsetilip jatyr.