Búgin Qazaqstannyń basym bóliginde atmosferalyq aǵyndardyń ótýine baılanysty jaýyn-shashyn kútiledi dep habarlaıdy Qamshy.kz aqparat agenttigi Qazgıdrometke silteme jasaı otyryp.

Tek ońtústikte,  soltústik-batysta jáne ortalyqta jaýyn-shashynsyz aýa raıy saqtalady. Elimizdiń keı jerinde tuman, jeldiń kúsheıýi, ońtústik jáne ońtústik batysta shańdy daýyl kútiledi.

Qyzylorda oblysynyń keı jerlerinde jel 15-20, ekpini 23 m/s deıin, kúndiz keı jerlerde shańdy daýyl soǵýy yqtımal. Jambyl oblysynda túnde keı jerlerinde tuman, jeldiń 15-20, ekpini 23 m/s deıin kúsheıýi kútiledi. Mańǵystaý oblysynda túnde keı jerlerde naızaǵaı bolady, keı jerlerde shańdy daýylmen qatar jeldiń ekpini 15-20, kúsheıip 25 m/s deıin jetýi múmkin.

Almaty, Ońtústik Qazaqstan, Atyraý, Batys Qazaqstan, Aqtóbe oblystarynyń keı jerlerinde jel 15-20 m/s bolady, Atyraý oblysynda ekpini 25 m/s deıin jetedi. Qostanaı, Shyǵys Qazaqstan oblystarynda keı jerlerinde tuman, jel 15-20 m/s kúsheıedi.

Aqmola, Qaraǵandy oblystarynyń keı jerlerinde tuman túsýi kútiledi. Soltústik Qazaqstan, Aqmola, Pavlodar, Qaraǵandy, Shyǵys Qazaqstan jáne Aqtóbe, Qostanaı oblystarynyń keı jerlerinde túnde 1-6 gradýsqa deıin sýytady.