Bavarıadaǵy bosqyndar jataqhanasynda qazaqstandyq er adam 28 jastaǵy ýkraındyq azamatty óltirdi degen kúdikpen qolǵa tústi, dep habarlaıdy Qamshy.kz aqparat agenttigi jergilikti BAQ-qa silteme jasap.
Bavarıanyń Eggelenfeld qalasynda ornalasqan bosqyndarǵa arnalǵan jataqhanada qandy qaqtyǵys oryn aldy.
Eki er adam da bir bólmede turatyn. 23 qyrkúıek kúni tańǵy ýaqytta ekeýiniń arasynda túsinispeýshilik týyndap, nátıjesinde qazaqstandyq er adam ýkraın azamatyna pyshaq suǵyp alǵan. Japa shekken 28 jastaǵy ýkraın azamaty alǵan jaraqatynyń saldarynan jataqhanada kóz jumdy.
Atalmysh oqıǵaǵa baılanysty istiń anyq-qanyǵy áli belgisiz. 47 jastaǵy qazaqstandyq azamat tutqyndalyp, sot aldynda jaýap beretin bolady.
