Golden Boy Promotions promoýterlik kompanıasynyń prezıdenti Erık Gomes qazaqstandyq boksshy Gennadıı Golovkın men Saýl «Kanelo» Avares arasyndaǵy ekinshi kezdesýdi uıymdastyrý úshin resmı túrde kelisimshartta bastalǵanyn jáne jekpe-jektiń qashan ótetinin aıtty,- dep habarlaıdy Qamshy.kz aqparat agenttigi Qsport.kz-ke silteme jasaı otyryp.
«Biz Golovkın men «Kanelo» arasyndaǵy ekinshi kezdesýdi uıymdastyrý úshin resmı túrde kelissózderdi bastap kettik. Golovkınniń promoýteri Tom Lefflermen de jolyqtyq. Jekpe-jek mamyr aıynda ótedi. Óıtkeni mamyr aıynda aqyly júıeden (PPV) qomaqty paıda túsirýge bolady.
Shamamen jekpe-jek 5 mamyr kúni ótetin shyǵar. Bul Meksıka jurty úshin aıtýly kún. Dál osy kúni 1862 jyly meksıkalyqtar Peýbla túbindegi shaıqasta jeńiske jetti. Sondyqtan da bul kezdesý meksıkalyq jankúıerler úshin keremet syı bolady», — deıdi Gomes.
