Qazaq mektepterine arnalǵan kitaptar jaıynda daý-damaı halyq arasynda kúnnen-kúnge ýshyǵa túsýde. Olardyń dáleli retinde áleýmettik jelide jarıalanǵan birqatar vıdeoúndeýlerdi ataýǵa bolady, dep jazady Qamshy.kz aqparat agenttigi.

Kezekti vıdeoda 7-synypqa arnalǵan oqýlyqtardyń sapasyn ondaǵy qatelikterdi ashyp kórsetken.

Facebook eelisinde jarıalanǵan bul vıdeoda 7-synyp oqýlyqtarynyń birqatary qandaı deńgeıde ekendigi anyq kórsetilgen. Geografıa kitaby 31-shi betten bastalyp ketip jatsa, bıologıa oqýlyǵynyń biriniń muqabasy teris aınaldyryp túptelgen, al biriniń ortasynda oryssha taqyrypshalar qosylyp ketken.

Áleýmettik jeli qoldanýshlary Erlan Saǵadıevke arnaıy saýal joldap: «Myna sumdyqqa kim jaýap beredi, Saǵadıev myrza? Menińshe bul urpaqqa arnaıy jasalǵan provokasıa. Bunymen Prokýratýra aınalysý kerek, qylmys isti ashyp», - dep jazady kópshiligi.

Iá, rasymen de sapasy syn kótermeıtin mundaı oqýlyqtarmen keleshekte bilimdi jastar tárbıeleý qıynǵa soǵady. Sapaly bilim berý úshin oqýlyqtyń da sapasy joǵary deńgeıde bolý qajet ekendigi belgili.

Atalmysh máselelerge qatysty oqýshylardyń ata-analary ózderiniń narazylyqtaryn bildirip, áleýmettik jeli qoldanýshylary túrlishe pikir bildirýde.