Aqtóbede qyrkúıek aıy týǵaly beri 13 oqýshy qyz oramalyn sheshti. Mektep formasyn ustanýǵa qatysty jumystar nátıje bere bastady, - dep habarlaıdy Qamshy.kz aqparat agenttigi Aqtóbe qalasy ákiminiń baspasóz qyzmetine silteme jasaı otyryp.

Ákimdiktiń málimeti boıynsha, Aqtóbedegi orta bilim beretin mektepterge jańa oqý jylynda 170 oqýshy qyz oramal taǵyp kelgen.

"Mektep formasyn saqtaý qajettiligi týraly zańnamanyń talaptaryn eskere otyryp, mektep basshylary men synyp jetekshileri osy másele boıynsha ata-analar arasynda túsindirý jumystaryn júrgizdi. Bul jumys áli de jalǵasa beredi" - deıdi ákimdiktiń baspasóz qyzmeti.

Aqtóbe oblystyq din isteri departamentiniń basshysy Joldas Qalmaǵambetovtiń deregi boıynsha, Aqtóbe oblysyndaǵy orta bilim beretin mektepterge jalpy sany 370 oqýshy oramal tartyp kelgen.

Bilim jáne ǵylym mınıstrligi byltyrǵy oqý jylynyń ortasynda mektepte qandaı da bir dindi nasıhattaıtyn kıim kıýge tyıym salatyn qaýly shyǵarǵan. Bıyl oqý jylynda Aqtóbe, Jańaózen men Shalqar qalalarynda jáne Ońtústik Qazaqstan oblysyndaǵy Maqtaral qalalarynda buıryqqa súıengen mektep basshylary oramal taqqan oqýshy qyzdardy mektepte kirgizbeı jatyr.