Astana qalasynda 27 qyrkúıek kúni «Til sheberi-2017» respýblıkalyq baıqaýy ótedi. Qazaqstan Respýblıkasy Mádenıet jáne sport mınıstrligi                 Tilderdi damytý jáne qoǵamdyq-saıası jumys komıtetiniń tapsyrmasymen «Sh.Shaıahmetov atyndaǵy tilderdi damytýdyń respýblıkalyq úılestirý-ádistemelik ortalyǵy» atalmysh baıqaýdy Qazaqstan halqy tilderiniń HİH respýblıkalyq festıvali aıasynda uıymdastyrýda.

Dástúrli baıqaý jahandyq órkenıet pen elimizdiń damý baǵytyna saı  úsh tildi – qazaq, orys jáne aǵylshyn tilderin jetik meńgergen, jan-jaqty bilimdi, salasynyń kásibı mamany tanylǵan memlekettik qyzmetshi jastardy  anyqtap, qoldaý kórsetý maqsatynda uıymdastyrylyp keledi. Bilim men bilik báıgesine 21-29 jas aralyǵyndaǵy ortalyq atqarýshy organdarda qyzmet etetin memlekettik qyzmetshiler qatysady.

Baıqaý shartyna saı qatysýshylar «Tusaýkeser», «Ulttanym», «Ónertanym» bólimderi boıynsha baq synaıdy.  Olardyń úsh tildi meńgerý deńgeıi men tildik normany saqtaýy, orforgafıalyq jáne orfoefıalyq saýattylyqtary baǵalanady.

Jeńimpazdy arnaıy quralǵan qazylar alqasy anyqtaıdy. Júldegerler «Til sheberleri» dıplomymen, alǵysqattarmen jáne  aqshalaı syılyqtarmen marapattalady.