QazAqparattyń habarlaýynsha, Almaty qalasynda jalǵan smartfondar jasap shyǵaratyn seh tabyldy. Seh «Aerovokzal» saýda ortalyǵynyń mańynan tabylǵan. Onda jumys jasaıtyn alaıaqtardy «iPhone» markaly telefon qurastyryp otyrǵan ýaqytta Almaty qalasynyń memlekettik kirister departamentiniń qyzmetkerleri tapqan.

Jedel izdestirý nátıjesinde Qazaqstannyń ózge aımaqtarynan kelgen azamattar men Almatydaǵy Ortalyq ýnıversal dúkeninen kelgen (SÝM) saýdagerler ustaldy. Tárkileý barysynda 30 dana «iPhone» tárkilendi. Sarapshylardyń oıynsha bul telefondardy túpnusqadan ajyratý óte qıyn. Onyń sebebi bul telefondardy qurastyrý barysynda «jedel jady» men «ortalyq prosesordyń» túpnusqasy qoldanylǵan.  Degenmen, gadjettiń basqa quraldary arzan baǵada satylatyn bólshekterden turady. Bul qylmys  QR zańynyń QK 222-babymen (taýar belgisin zańsyz paıdalaný) jaýapqa tartylady. Tergeý amaldary júrgizilgennen keıin is sotqa joldanady.