Almaty qalasy Din isteri basqarmasynyń memlekettik áleýmettik tapsyrysy aıasynda «ZAMAN» parasatty jáne salaýatty ómir» Qoǵamdyq qory joǵary oqý oryndarynyń stýdentteri arasynda jas aqyndar men jazýshylar jáne jýrnalıser arasynda múshaıra ótkizedi.
Maqsat: Elimizdiń ishki turaqtylyǵy men tynyshtyǵyn, yntymaǵy men birligin saqtaýǵa baǵyttalaǵan memlekettik strategıalyq maqsattardyń negizinde jastardyń ulttyq sana, rýhanı bolmysyn qalyptastyrýǵa baǵyttalǵan óleń týyndylaryn jaryqqa shyǵarý, ulttyq patrıottyq, adamgershilik sezimin oıatý.
Qoıylatyn talaptar:
- Óleń ýaǵyz túrindegi, bir baǵytty ásire dinı sıpatta bolmaýy kerek!
- Óleńniń mazmuny qoǵamda konfesıaaralyq kelisimdi jáne toleranttyqty nasıhattaýǵa; radıkaldy dinı aǵymdardyń, ekstremıstik uıymdardyń destrývtıkti ıdeologıasynyń qaýiptiligin ashyp kórsetýge; jastardy adamgershilikke, qazaqy tárbıege baýlýǵa; qazaqy uıqas arqyly din men dástúrdiń ajyramas egiz uǵym ekenin kórsetýge; toleranttylyqtyń bastaýy din ǵana emes dástúrde de, tárbıede de ekenin óleńmen jetkizýge baǵyttalýy tıis.
- Óleń 2 betten (Times New Roman, 14-shrıft) aspaýy tıis. Iaǵnı oqyǵanda
5-7 mınýttan kóp bolmaýy kerek.
Júldeli oryndarǵa arnaıy marapattaýlar men birge aqshalaı syıaqy beriledi. Jalpy júlde qory: 600 000 teńge.
Bul sharaǵa Qazaqstannyń kez-kelgen joǵary oqý oryndarynyń stýdentteri qatysa alady. Tili − qazaq tili. Shyǵarmany 2017-jyldyń qazan aıynyń 1-nen qarasha aıynyń 1-ne deıin zamanfund@gmail.com elektrondy adresine aty-jónderińiz ben telefon nómirlerińizdi, qaı oqý ornynda, neshinshi kýrsta oqıtyndyqtaryńyzdy kórsetip jiberińizder. Jiberilgen óleńderdiń ishinen úzdik delingen 10 týyndy tańdap alynady jáne avtorlary qazylar alqasynyń aldynda óz óleńderin mánerlep oqıdy.
Ótetin orny: Ál-Farabı atyndaǵy QazUÝ, fılologıa fakúltetiniń akt zalynda 16.11.2017j, saǵat 10:00-de.
