Búgin Qazaqstanda alǵashqy Qazaqstanda alǵash ret "Astana digital forum" bastaldy, dep jazady Qamshy.kz aqparat agenttigi. Forým barysynda QR Aqparat jáne komýnıkasıalar mınıstri forýmnyń ashylý saltanatynda «Sıfrlyq Qazaqstannyń» basty baǵyttary jaıly aıtyp ótti.

Mınıstr sıfrlandyrýdy qarapaıym mysaldarmen túsindirdi. Onyń aıtýynsha, el ekonomıkasyn sıfrlandyrýdyń aýqymy keń.

«Oılap kórińizdershi, qazirgi aıyppuldardy eki saǵatta emes, tórt-aq klık basý arqyly rásimdeıtin bolady. Búgingi tańda ondaı joba bar. Adam óziniń jeke sáıkestendirý nómirin kórsetedi de, aıyppuldyń elektrondy xattamasy biryńǵaı bazaǵa jiberiledi. Sosyn bala týǵanda onyń qaı balabaqshaǵa, qaı mektepke baratyny birden anyqtalatyn bolady. Memlekettiń járdemaqy, balabaqsha kezegi - bári-bári áp-sátte jasalady. Tipti, perzentxanadan shyqpaı-aq, balanyń atyn SMS-pen jiberip, jeke qujattardy da rásimdeýge bolady. Aldaǵy ýaqytta osyndaı qyzmet te engiziledi», – dedi Abaev.