Elordada birqatar medısınalyq mekemelerde kardıolog, nevropatolog, okýlıs, travmatolog sekildi mamandar tapshy. Osyǵan baılanysty turǵyndardyń kóbi jeke polıknıkalarǵa júginedi. Bul týraly Astana radıosynyń «Qala tynysy» baǵdarlamasynda Densaýlyq saqtaý basqarmasynyń basshysy Kamaljan Nadyrov málimdedi.

Sondaı-aq qalada 73 myń turǵyn tumaýǵa qarsy ekpeni tegin qabyldaıdy. Eń aldymen balalar, júkti áıelder, medısınalyq qyzmetkerler qamtylady.

Jyl basynan beri 84 mekteptegi medısınalyq qyzmet kórsetý Densaýlyq saqtaý basqarmasyna berilgen edi. Olardyń 20 paıyzynyń medısınalyq qyzmetti júzege asyrýǵa beriletin ruqsat qaǵazy bolmady. Degenmen, búginde bul másele sheshildi.

Densaýlyq saqtaý basqarmasynyń málimetine súıensek, jýyrda ǵana elordalyq 73 mektep «Mektep densaýlyǵy» jabdyqtarymen qamtamasyz etilgen.

Sonymen qatar Kamaljan Nadyrov efır barysynda elektrondy densaýlyq pasporty jyl sońyna deıin engiziletinin habarlady.

Gúlmıra AIMAǴANBET