AQSH-taǵy Ielloýstonda oıanǵan janartaýdyń qaınaý núktesi shekti mejedegi ahýalǵa túsken,- dep jazady Qamshy.kz aqparat agenttigi. Seısmologtar Aıdaho jer silkinisin sýper janartaýdyń oıanýymen baılanystyryp otyr.

Osyǵan oraı AQSH-tyń geologıalyq qyzmeti Aıdaho jer silkinisiniń sebebin Ielloýstonda oıanǵan janartaýmen baılanystyryp otyr.

Sonymen qatar, álemge áıgili geızer atmosferaǵa úlken kólemde bý shyǵardy jáne ol rekordtyq qashyqtyqqa jetti. Ǵalymdar buryn sońdy mundaı qubylys kórmegenin aıtady. Olar bul jaǵdaı «jer asty temperatýrasynyń tym qatty ysyp ketýinen» boldy deıdi.

Ielloýstondaǵy qoryqta da jumbaq jaǵdaılar kóp bolýda, máselen jerdiń betki qabaty kóterilip, bızondar basqa jaqqa qonys aýdarýda.

Joǵary seısmıkalyq ózgerister osy jyldyń qyrkúıek aıynda Kalıfornıa shtatyndaǵy Long-Vellıde baıqalǵan, onda alyp janartaý asqan belsendilik tanytqan. Buryndary janartaý mańynda nebary 10 ret jer silkinisi bolsa, sońǵy aıda seısmologtar 1104 ret jerdiń 3,3 baldyq kórsetkishpen silkingenin baqylǵan.

Mamandardyń aıtýynsha, Ielloýston men Long-Vellı ózara qatty baılanysqan, sondyqtan bir-birine áser etedi. Ǵalymdar Ielloýstoýndaǵy janartaý tek qana AQSH-tyń birshama bóligin joıyp qana qoımaı, búkil álemge qasiret alyp kelýi múmkin deıdi.