Úndistannyń Djaıpýr qalasy mańyndaǵy eldi meken turǵyndary bılikke qarsy jappaı ereýilge shyqty dep habarlaıdy Qamshy.kz aqparat agenttigi sheteldik BAQ-qa silteme jasap. Sharýalar ózderiniń egin salyp, kúneltip júrgen jerin basshylardyń alyp qoıyp jatqanyna narazy. Al bılik bul aýmaqqa jańa nysandar salmaq. Jan aıqaıyn aq jaǵalylardyń qulaǵyna jetkize almaǵan turǵyndar endi kóshege shyǵyp urandatýǵa kóshti.

Tipti óz-ózderin moınyna deıin kómip, «talabymyz oryndalmasa bul jerden ketpeımiz» dep bekinip alǵan. Buǵan deıin de olar 15 kún boıy osynda otyryp narazylyq tanytqan edi. Biraq úkimet ókilderi boı kórsetpegen. Endi dıqandar amalsyz osyndaı áreketke baryp otyr. Aıta keteıik, Djaıpýr qalasyn kórkeıtý úshin jergilikti bılik 2011 jyly dıqandardyń 526 gektar jerin alyp qoıǵan. Sodan beri aımaqta ereýilder tolastaǵan emes.