Almaty ákiminiń orynbasary Almas Mádıev janarmaı tapshylyǵyna qatysty túsinikteme berdi, dep habarlaıdy Qamshy.kz aqparat agenttigi QazAqparatqa silteme jasap.

«Almaty janarmaı stansalaryndaǵy janarmaı tapshylyǵy máselesin sheshý úshin ákimdik pen Energetıka mınıstrligi birqatar sharalar qabyldady. Búginde ortalyqta «Gelıos», «Sınoıl», «Qazmunaıgaz» jelilik resýrstarynda 15 tonna janarmaı kóleminde operasıalyq qor bar. Bul qor 8-10 kúnge jetedi. Sondaı-aq, usaq bólshek jelilerinde 2-3 kúnge jetetin qor bar», - dedi A.Mádıev.

Onyń aıtýynsha, Energetıka mınıstri qala basshylyǵyna qajetti janarmaı qorymen qamtamasyz etemiz dep ýáde etken. 

«Tabıǵı monopolıalardy retteý komıtetimen birige otyryp qala ákimdigi janarmaı stansalarynda reıd júrgizedi. Óıtkeni, stansalar janarmaıdyń jalǵan tapshylyǵyn týdyryp, qoımaǵa tyǵyp qoımaı, qala halqyn qamtamasyz etýi kerek», - dedi ol.

Aıta ketý kerek, qazirgi tańda qalada birqatar stansalardyń jelilerinde eń ótimdi AI-92 markaly janarmaı tek talonmen berilip jatyr.