Astana medıaaptalyǵy aıasynda ótken Astana Digital Forum-ynda sóılegen «CEO Select Communication Group» komýnıkasıalyq uıymynyń jetekshisi Vıktor Elıseev aqparattyq tehnologıalardyń keńinen qoldanylýy eńbekke degen suranystyń tómendeýine ákelip soǵatynyn aıtty, dep jazady Qamshy.kz aqparat agenttigi.

«Bolashaqta iri kompanıalardyń 40%-y óz jumystaryn toqtatýǵa májbúr bolady. Sebebi adamdardyń ornyna elektrondy júıeler jumys isteıdi. Máselen, Uber jáne Mersedes kompanıalary 200 myń ushqyshsyz kólik shyǵarýdy josparlap otyr. Iaǵnı, taksısterdiń jumysy toqtaıdy degen sóz. Mıllıondaǵan adamdar jumyssyz qalady. Adamdar búginnen bastap sondaı sátke daıyndyqty bastaı berý kerek», - dedi Vıktor Elıseev.

Aıta keteıik, 4 qazanda Qazmedıa ortalyǵynda  Astana medıapatalyǵy bastaldy. «Astana Media Week» qazaqstandyq medıa aptasy — bul keń kólemdegi salalyq is-sharalar serıasy. Jyl saıyn Qazaqstan Respýblıkasy Aqparat jáne komýnıkasıalar mınıstrliginiń tapsyrysymen ótkiziletin Ortalyq Azıadaǵy eń iri medıa-oqıǵa. Astana Media Week 2017 negizgi maqsaty — otandyq medıa sferany damytý jáne óńirlik deńgeıde ındýstrıadaǵy iskerlik qatynastardy ilgeriletý», — dep jazǵan bolatyn Aqparat jáne komýnıkasıalar mınıstri Dáýren Abaev atalǵan shara týraly.