Ǵazal kóktemim, jazar kóktemim!
Qaıdasyń? Sensiz mazam joq meniń.
Sabyrym qashyp saǵynyp júrmin,
Kólime qonyp qaz ándetkenin,
Jerime kelip jaz ándetkenin...
Ańsaǵan úlbir úkili baqty,
Mendik júrektiń lúpili qatty.
Qataldyǵynan qaıtpaǵan áli,
Qaharly qystyń úkimi qatty.
Qamalyp qarǵa keshki baqtarda,
Tońady búrshik tek shydap talda.
Saǵynyshymdy syr qyp aıtamyn,
Sarǵaıyp jatqan eski hattarǵa.
Tolǵaǵy kelip tolaǵaı jyrdyń,
Qoregi boldym qomaǵaı muńnyń.
Ǵazal kóktemim, jazar kóktemim!
Sen ediń syıly qonaǵy aıdynnyń.
Oraıyn tappaı oıymdaǵy daý,
Ózińdi kútip ýaıymdadym-aý.
«Súıem!» dep seni sybyrlap turmyn,
Súıenip únsiz qaıyńǵa mynaý.
Qalqaman Sarın
Pikir qaldyrý