AQSH «Sheshýshi aıqasqa» qoldaý kórsetý úshin NATO-dan Aýǵanstanǵa taǵy da 1000 ásker jiberýdi surady. Bul jaıynda Amerıka ókili Keı Beılı Hachınson málimdedi, dep habarlaıdy Qamshy.kz aqparat agenttigi TASS agenttigine silteme jasaı otyryp.

«AQSH-tyń jańa strategıasy boıynsha Aýǵanstandaǵy áskerılerdiń jalpy sany 3000-dy qurasa, NATO áskerleriniń jalpy sany 1000-ǵa jýyq», - deıdi Keı Beılı.

Tamyz aıynda NATO-nyń bas hatshysy Iens Stoltenberg NATO 2018 jyly Aýǵanstanǵa birshama ásker jiberýge sheshim qabyldap qoıǵandyǵy jaıly málimdegen bolatyn. Qazirgi ýaqytta aláns memleketteri bul elde 12 myńnan astam nusqaýshylar men keńesshilerden quralǵan kontıngentke basshylyq etedi.

Aıta keter bolsaq, NATO Aýǵanstanǵa óziniń áskerlerin 2014 jyldyń aıaǵynan bastap jibere bastaǵan.